Октябрĕн 17-мĕшĕнче республикăра ЧР тава тивĕçлĕ стро-ительне, Красноармейски районĕн хисеплĕ гражданинне Анатолий Иванович Слукина асăнса ирĕклĕ майпа кĕрешекенсен турнирĕ иртнĕ. Ку спорт ăмăртăвне пирĕн район спортсменĕсем те хастар хутшăннă. 2007-2009 çулсен-че çуралнă, 28 кило-грама çити таякан арçыначасем хушшинче Хĕрлĕ Чутай шкулĕнче 2 В класра вĕренекен Вадим Иванов кĕмĕл çĕнсе илме пултарнă. Вадим призер пулнă май ăмăртура Диплома, медале тата кубока тивĕçнĕ. Сăмах май, Вадим ача садĕнченех спорт-па туслă. Вăл питĕ тăрăшуллă, шкулта лайăх паллăсемпе ĕл- кĕрсе пырать, йывăрлăхсенчен хăрамасть, вĕсене çăмăллăнах па-рăнтарма пултарать. Çак пахалăхсене кура ĕнтĕ ашшĕ, федераллă судьяра ĕçлекен Олег Викентьевич Иванов, хăй те спортпа туслăскер, ывăлне пĕчĕклех спорта явăçтарма пуçланă. Каярахпа Вадим спорт комплексне кĕрешекенсен уйрăмне çỹреме тытăннă. Нумаях та вăхăт иртмен, пултаруллă арçынача хăйне вĕрентекенсене район тата республика шайĕнчи çĕнтерỹсемпе савăнтарма пуçланă. Иртнĕ çулсенче тата кăçал вăл темиçе хут та çĕнтерỹ пьедесталĕ çинче пулчĕ. Шупашкарти çамрăксемпе ачасен "Спорт" спорт шкулĕнче Аслă Çĕнтерĕве 70 çул çитнине халалланă уçă ăмăртура 25 килограмм таякан ачасем хушшинче ирĕклĕ майпа кĕрешсе пĕрремĕш вырăн çĕнсе илчĕ. Март уйăхĕнче РФ пĕтĕмĕшле вĕрентĕвĕн хисеплĕ ĕçченĕн Юрий Шереметьевăн парнисене çĕнсе илессишĕн Хĕрлĕ Чутай салинчи "Хастар" спорт комплексĕнче иртнĕ республика ăмăртăвĕнче 3-мĕш тухрĕ. Ирĕклĕ майпа кĕрешес вăрттăнлăхсене пĕлме ăна иккĕмĕш çул ĕнтĕ Петр Кузьмин тренер пулăшать. Вадимăн ашшĕ-амăшĕ те, тренер та арçыначан спортри пуласлăхĕ пысăк пуласса шанаççĕ.

А.ДМИТРИЕВА.