Вĕрентĕве аталантарассине пысăк тỹпе хывнăшăн тата ачасене вĕрентес ĕçре пысăк ăнăçусем тунăшăн депутат хавхалантарăвне тивĕçнисем çаксем: Хĕрлĕ Чутай шкулĕн директорĕ Ирина Алексеевна Романова, Хусанушкăнь шкулĕн директорĕ Лариса Петровна Бармина, Мăн Этмен шкулĕн директорĕ Игорь Нестерович Живоев, "Пучах" ача сачĕн заведующийĕ Татьяна Витальевна Сорокина, "Хастар" ФСК директорĕ Вячеслав Витальевич Дадюков, Хĕрлĕ Чутай шкулĕн технологи учителĕ Ирина Евгеньевна Захарова, географи учителĕ Светлана Петровна Колендрейкина, Атнар шкулĕн физикăпа математика учителĕ Людмила Вениаминовна Кузьмина, Хусанушкăнь шкулĕн технологи учителĕ Сергей Николаевич Марков, Çĕн Атикасси шкулĕн пуçламăш классен учителĕ Галина Валерьевна Алексеева. Çавăн пекех кăçал вĕрентỹпе воспитани ĕçне йĕркелес тата лайăхлатас ĕçре пысăк ăнăçусем тунăшăн тата çитĕнекен ăрăва вĕрентес ĕçе пысăк тỹпе хывнăшăн районти пилĕк педагог Чăваш Республикин Патшалăх Канашĕн депутачĕн Валерий Павловăн премине тивĕçрĕ. Педагогсен районти уявĕнче Тури Çĕрпỹкассинче пуçламăш классене вĕрентекен Алевтина Ильинична Скворцована, "Пилеш" ача сачĕн аслă воспитательне Лариса Петровна Васькована, Питĕркасси шкулĕн вырăс чĕлхипе литература вĕрентекенне Ольга Николаевна Фондеркинана, Ачасен искусство шкулĕн директорне Венера Вячеславовна Молодейкинана, Штанаш шкулĕн социаллă педагогне Алина Николаевна Осеевана виçĕ пин тенкĕпе танлашакан сертификат парса чысларĕç. Паллах, хăйсен ĕçне тивĕçлипе хаклани, тимлĕх уйăрни районти педагогсене тата тăрăшарах ĕçлеме хистет.

А.КАРПОВА.