Хĕрлĕ Чутай спортсменĕсем хăйсен лайăх кăтартăвĕсемпе савăнтарсах тăраççĕ. Акă ноябрĕн 19-мĕшĕнче Канашра Р.Н.Желудкин подполковника асăнса кире пуканне йăтас енĕпе республикăри уçă ăмăрту иртнĕ. Турнира республикăри 10 районтан тата Атăлçи федераци округĕнчи виçĕ регионтан 110 спортсмен хутшăннă. Вĕсен йышĕнче хĕрлĕчутайсем те пулнă. Ăмăртусенче Степан Краснов хăйĕн виçе категорийĕнче палăрма пултарнă, пĕрремĕш вырăн çĕнсе илнĕ. Олег Кодяков вара виççĕмĕш тухнă (тренер-преподавателĕ - Юрий Бронюков).

Çавăн пекех аса илтеретпĕр, ноябрĕн 18-21-мĕшĕсенче Санкт-Петербург хулинче иртнĕ "Раççей çамрăклăхĕ" ăмăртăва Чăваш Енĕн пĕрлештернĕ командипе Леонид Ярадов хутшăнса улттăмĕш вырăн йышăнма пултарнă.

А.АЛЕКСЕЕВА.

Источник: "Пирěн пурнăç"